સામગ્રી
- એક વાટકો છીણેલી દૂધી
- એક ચમચી વાટેલા આદુ મરચાની પેસ્ટ
- 2 ચમચી સાકર
- અડધી ચમચી હળદર
- અડધી ચમચી ધાણાજીરું પાઉડર
- એક ચમચી લાલ મરચાંનો પાવડર
- અડધી ચમચી ગરમ મસાલો
- પા ચમચી હિંગ
- મીઠું સ્વાદ અનુસાર
- એક ચમચી સફેદ તલ
- બે ચમચી દહીં
- એક ચમચી લીંબુનો રસ
- અડધી ચમચી કોરો મેથીયો સંભાર
- થોડી કોથમીર
- ૨ ચમચી ચણાનો લોટ
- 2 ચમચી ચોખાનો લોટ
- પાંચ ચમચી હાંડવાનો લોટ
- 2 ચમચી તેલ મોણ માટે
- બે ચમચી તેલ વઘાર માટે
- એક ચમચી રાઈ
- એક ચમચી જીરું
- ૧ ચમચી તલ
- ૮ થી ૧૦ પાન લીમડાના
રીત
સૌથી પહેલાં એક કડાઈમાં ૨ ગ્લાસ પાણી નાખી તેમાં સ્ટેન્ડ મૂકી તેની ઉપર થાળી મૂકી ગેસ ચાલુ કરી પાણી ગરમ કરવા રાખો. પછી એક થાળીમાં ખમણેલી દુધી લેવી તેમાં વાટેલા આદુ મરચાની પેસ્ટ, હળદર, ધાણાજીરું, સાકર, મરચું પાવડર, મીઠું, ગરમ મસાલો, હિંગ, તલ, લીંબુનો રસ, તેલ, દહીં, કોથમીર, મેથીયો મસાલો, બધું નાખી ચમચાથી બરાબર મિક્સ કરવું. મિક્સ થઇ જાય પછી તેમાં ચણાનો લોટ, ચોખાનો લોટ, હાંડવા નો લોટ, બધા લોટ મિક્સ કરવા. પાણી નાખવું નહીં.
બધું બરાબર મિક્સ થઇ જાય પછી ચારણીમાં તેલ લગાડી મિશ્રણને હાથમાં લઇ સિલિન્ડર નો શેપ આપી ચાળણીમાં મૂકવા અને ચાળણીને ગરમ થતી કડાઈમાં મૂકી ફાસ્ટ ગેસ પર ૨૫ થી ૩૦ મિનીટ માટે રાખવું. 25 મિનિટ પછી થાળી ઉપાડીને ચેક કરવું. ચેક કરવા માટે એમાં છરી અથવા ટૂથપીક નાખી ને જોવું. કોરૂ બહાર આવે એટલે બરાબર મુઠીયા ચડી ગયા છે. પછી ગેસ બંધ કરી તેને ઠંડા થવા દેવા. પછી તેના ટુકડા કરી લેવા. એક પેનમાં ૩ ચમચી તેલ લેવું. તેમાં રાઈ, જીરું, તલ, લીમડાના પાન નાખી અને હલાવો. રાઈ જીરું તતડી જાય એટલે મુઠીયા નાખી ધીમા તાપે એને હલાવતા રહેવું. ગુલાબી રંગના થાય ત્યાં સુધી હલાવો. પછી છેલ્લે કોથમીર નાખીને સર્વ કરવા.
દુધી સાથે ખમણેલા ગાજર, કોબી, કાંદા, કેપ્સિકમ નાખીને મિક્સ વેજીટેબલ મુઠીયા પણ બનાવી શકાય છે.
બીજી ગુજરાતી વાનગીઓ ની રેસીપી માટે વિઝિટ કરો https://ketakikirasoi.com/